Paraísu Natural
Naturaleza verde y xavaz que chisca tola rexón d'Oriente a Occidente, de Norte a Sur. Asturies cunta con una rede d'Espacios Naturales Protexíos que van dende'l Parque Nacional de los Picos d'Europa, Parques Naturales como los de Somiedu, Redes, Fontes del Narcea, Ponga, les Ubines y Macizu Central, a Reserves Naturales Intregrales como Muniel.los, Reserves Naturales Parciales, como la Ría del Eo, la Ría de Villaviciosa, Paisaxes Protexíos de la Mariña Oriental y Occidental, Monumentos Naturales, como el Bufón de Pría, la Sablera de Gulpiyuri, el Texu de Bermiegu, el Complexu Llacustre de Somiedu…
Montes y praeres son abellu d'osos pardos, que riolen a los sos deleres per Somiedu, urogallos que s'abeluguen en Redes, robecos, corzos, jabalíes, llondres, salmones, truches, angules, águiles reales, utres, alimoches, mabees, gaviluetes… Pero tamién sableres, dos tales costeres, actividaes en contactu cola naturaleza.
Un mundu natural que mos ufierta mil rutes, mil escenarios pa momentos de paz o d'aición, mil paisaxes pa esfrutar de momentos únicos.
Ayalga Cultural
N'Asturies les distintes cultures dexaron pa la posteridá los sos apellíos grabaos en piedra, dende les cultures paleolítiques, pre-romanes o castreñes, romanes, alto y baxu-medievales, ilustraes hasta l'actualidá. Los ídolos llabraos en piedra, los dibuxos afiguraos nes Cueves de Candamu, El Pindal o Bustillo, los Castros del valle del Navia, Cuaña, San Chuís, Mouguías. Les calzaes, les pontes, los acueductos, les termes romanes, los monumentos del Pre-románicu asturianu, declaráu Patrimoniu de la Humanidá, Santuyanu, Santa María del Naranco, San Salvador de Valdediós. El románicu en Teberga, el góticu na Catedral d'Uviéu o la Casa de la Rúa, los Palacios Barrocos blasonaos de la nobleza asturiana, la Illustración.
Tradición
La tradición oral y cultural nel so folclor, les sos fiestes, la escoyida y natural gastronomía, l'artesanía de les sos madreñes, navayes, cerámica…, el desenvolvimientu, l'actualidá que guarda honores al so ricu pasáu. Pasáu tamién industrial qu'entá pervive y que guarda ayalgues qu'amuesen nos sos museos del Ferrocarril, de la Minería (MUMI), de la Siderurxa (MUSI) o del Xurásicu (MUJA). Poblaos como'l de Bustiello (Mieres) y Ciudadeles como la de Capua (Xixón), que formen parte d'interesantes itinerarios industriales conviértense asina nuna ufierta cultural rica y variada.
Paraísu Natural, Ayalga Cultural, Patrimoniu Industrial…, pero tamién: Premios Príncipe d'Asturies, Fernando Alonso, Princesa Leticia, son nomes que dicen enforma d'esta tierra, abierta al mundu y qu'aspira a ser conocida en tol mundu.
Tola información turística na web oficial del Principáu: www.infoasturias.com
Mapa de situación
GalerÃa d'imaxes
